Friday, October 30, 2009

Missing you, MY WOMAN

October 29, 2009 naiwan ako mag isa sa Baguio, umuwi mga kaibigan ko sa POORbinsya nila [Joke lang c: ]. Nagutom ako nagpunta ako ng SM para bumili ng makakain siyempre. Napunta ako ng Quantum [Oo, yung amusement center sa SM Baguio] nakakita ako ng nagsasayaw sa kawalan na parang tanga, naglalaro ng baril-barilan na pakiramdam nila eh makatotohanan, shoot-shootan habang nagyayabang, suntok-suntukan, una-unahan. Pero wala silang saysay sa tala kong ito.

May umagaw ng pansin ko sa lugar na yun, nakakita ako ng batang lalaki, mataba siya, gusgusin [kakatapos lang niya ata kumain ng paborito nyang ice cream ] sa tingin ko mga 6 years old lang siya. Nasa palaruaan ng karera ng mga sasakyan, USA Daytona ata yung name nun. Wala lang, nakakatuwa siya tignan, aliw na aliw siya sa nilalaro niya tapos hindi maabot ng maikli nyang binti ang accelerator. Nakita ko may nanood sa likod, his Mom. Tuwang tuwa yung mama nya habang pinapanood siya . Naalala ko bigla Mom ko, wala lang, wala akong matandaang moment na nangyari samin yun ni mama. Sa sobrang inggit ko umalis na lang ako, nagpunta ako sa isang store, nakakita ako ng isang binata, napili siya ng damit niya, nakapili, umalis, saan siya pumunta?, to his Mom. Naalala ko ulit si mama ko, Masaya kasi pag si mama kasama ko mamili ng damit, siya nagbabayad eh [Haha. Except namimili siya para sakin. :p]

16 years na akong nag aaral, nakasama ko lang Mom ko sa mga panahong umakyat ako ng stage eh noong graduation ko lang ng High School ako. Wala ng iba, the rest? my very own Lola. Wala din akong matandaan na tinuruan ako ng Mom ko about sa mga subjects ko sa school. Kahit 1 + 1, hindi ko sakanya natutunan, unang kantang natutunan kong awitin, title niya “Miss na Miss Kita” ng Aegis hindi din siya ang nagturo. Kung bibilangin, mas maunti ang panahon na nagkasama kami ng Mom ko kaysa sa magkalayo kami. Hindi ko man natutunan sa tulong ni Mama ang mga nakasulat sa librong nabasa at napagaralan ko na, sakanya ko naman natutunan at nalaman kung paano maging isang William na hindi natutunan ng iba.

Ma, wag ka mag alala, mapapagsuot kita ng gown gaya ng pangarap mo para sa graduation ko ngayong kolehiyo, Miss you Mom, Thank You so much. I Love You.

Monday, October 12, 2009

TO BEAT More or Less 30Mins.

Straight to the point na, hindi ko na kilangan ng magandang introduction. Hindi dahil sa hindi akma magkaroon ng panimula sa lathain kong ito kundi dahil sa wala talaga akong naiisip na pangsimula. Napansin ko ng mga nakaraang linggo at araw na nagdaan, nawalan ako ng gana sa pagsusulat.

Ninakaw ng academics ko ang hilig kong mag epal sa blog ko. Nakisabay ang angking titik at letrang matapang sa pagdalamhati kay Tita Cory. Mga pagmamayari kong taludtod na walang kupas unti-unting tinangay ni Ondoy at maging magkakatugmang saknong nilapastangan din ni Pepeng.

Marami na akong nakitang luha’t hinagpis, tawa at halakhak sa bawat siraan ngunit wala pa din akong ginawa. Naamoy ko na ang baho ng bawat isa, kahit ng sarili kong paaralan at ng kandidatong sana ay iboboto ko sa darating na halalan, hindi ko naman natakpan. Nalaman ko na ang nanalo sa himagsikan sa gitna ng “starfish” at “dove” [hindi yun pigeon! argh.] mas pinili ko namang itikom ang bibig ko. Nadama’t nakita ang mga hinagpis ng mga kapwa kong nawalan ng masisilungan lalo na noong mga panahon ng pag momodel ni Ondoy at Pepeng sa ating bayan. Pilit ko pa din na pinaniwala ang sarili kong magiging maayos ang lahat sa pagtutulungan, ngunit para sakin parang kulang. May isang parte pa din para sakin ang nawawala. Natanong ko na lang kinagabihan. “Bakit hindi ko sinimulan?” Malamang maging sa pagsusulat ko, ganoon din ang dahilan.

Tuesday, September 1, 2009

My Second Hometown at 100...

This post is in line with the celebration of 100 years of Baguio.


Floral whiff, strawberry spree, endless sweetness of peanut brittles, cultural variations, amazing 360 degree head turning scenic view. Some of these are so popular to the people of the Philippines, not only native Filipinos but also different tourist around the world. This is Baguio, the summer capital of the Philippines. But also some of them only know that September 1, 2009 is the Baguio Centennial celebration and Fostering a culture of caring as the theme.

Oh well, of course like the conventional way I would like to congratulate the City of Baguio for celebrating 100 years of caring, keeping the ingenuity and as well as promoting the culture of its own.

- - Kung alam lang nila kung gaano ka kayaman, mas mayaman ka pa sa gobyerno - -

Baguio City, I almost stayed three and half year here, I deem this place as my second hometown where I leaned the true significance of education, the ups and downs of love and most of all the respect for friendship.

All in all, more than 35 times na din ako akya't baba ng Baguio, dahil sa enrollment, term break, Christmas break, Semstral break at kung ano - ano pang break. Masasabi ko, dami din nagbabago sa Baguio. Climate, weather, policies, structures, people halos lahat. Sa malamig na lugar na ito hindi lang nagbago ang mainit na pagtanggap sakin ng mga tao. Dito ko nakita ang totoong paraiso, na kung saan pwede kang gumawa ng kabaitan, mga panahong masasadlak ka sa kasamaan at iba't ibang uri at klase na magpapasaya sayo. Kaibigan, Kaklase at kaIBIGAN. Madami din akong natutunan dito, magbilang na ang simula ay 0, natuto din akong tignan ng mabuti ang dinadaanan ko lalo na pag foggy [Hehe. Makakabangga ka for sure pag hindi mo ginawa ang sinabi ko.], first time kong lakarin ang mall [SM, malapit lang sa dorm namin eh. Hehe] at madami pang iba pero higit sa lahat wala ng makakatalo pa ay ang natutunan ko kung pano makipag kapwa tao, sa dami ng kultura at iba't ibang lahi na nandito sa Baguio ay talagang sinubok ang pakikisama ko sa mga tao.


Madaming Salamat sayo Baguio. Hinubog mo ako.

Sunday, August 30, 2009

Taghoy ng Isang Estudyante! (Dos)

Mabigat na...
Hindi ko mapigilan, hindi ko lalong maiwasan.
Mabigat na katawan, nahihilong utak.
Nagpapanting na tenga mula sa naririnig,
Paborito ko na ang mga letrang B--O--R--I--N at G!..

Bigla 'kong natanong...

"Ako lang ba ang nakakaramdam nito?!"
Sila'y nagsasaya habang ako inaantok na! Whaaa.

- Bzzzt!! - [Pikit ang mata, sarado talukap]

Saturday, August 29, 2009

Po-Po-Po-Po Poker Face

Little by little it kills me.
But still, I keep holding and hanging on.
Still believing and fantasizing that you and I will find ways.
After that phrase, you smile and so do I.

Well, thats my only choice. Haiii

Wednesday, June 17, 2009

(Hindi ko alam ang Title.. ^^)

Last semester ko pa pala ginawa ito, wala lang ngayon ko lang napost. Haha. Hindi ko alam na nasave ko pala, trip lang ito eh, alam ko nagwa ko ito nung hindi ako nakikinig sa klase ko. Haha.
And here it goes.(Aii, may mga mali pa ata. Haha)


Masarap isiping maging isang alagad ng sining.
Malaya, matapang at may pinaparating.


Bilang PINTOR, wala kang pakialam sa kulay
at maging sa tinta na gagamitin ko...

bilang MANG-AAWIT, makinig ka na lang sa melodiya

at himig na ihahandog ko...

bilang MANANAYAW, umindak at sumabay ka na lang
sa pag-indayog ng aking katawan...

bilang MANG-UUKIT, titigan mo ang bawat pagpukpok
at paghuhulma na isang huwaran tulad ng isang bantayog...

at bilang MANUNULAT, salungatin mo 'man ang mga ideya, opinion at reaksyon ko
sariling parirala'y hindi mapipigilang mailathala.


Maaring maging iba't iba ang paraan ng isang biniyayaan ng kahusayan
sa aspeto ng sining, ngunit, subali't datapwat, sa huli'y nag iisa lang ang layunin.
Maipakita, maiparinig, maipadama at maipabasa ang saloobin,
saloobin at hinaing na dapat hindi ikinikubli.

Saturday, May 16, 2009

Maraming 'K', Karanasan.

"The only source of knowledge is experience."

Isa yan sa mga sinabi ni pareng Albert Einstein nung nabubuhay siya ng makatext ko siya minsan. Pero wala lang, gusto ko lang ilagay. Hehe. Pasensya kumpare. Mas maganda siguro kung sarili kong pakahulugan ng karanasan, batay sa aking sariling karanasan...

Sa bawat bagong taon na pag gawa ng "New Years Resolution" kuno, sa bawat monthsaries ng dalawa o tatlong pusong nagmamahalan, sa bawat araw na may isinisilang at namamatay (Yak, makalumang style.) sa bawat oras, minuto at segundo na katext mo ang crush mo tiyak na may natutunan kang bago.

Simula nung nag aral ako nung Kinder may mga naging instructor akong nakakatakot, minsan kamukha pa ni Ms.Minchin. Pero mas kinakatakutan kong lecturer eh ang karanasan, mas nauuna niya kasing binibigay ung pag susulit bago yung matutunan ko.

Nalaman ko din na dapat kahit anong oras handa ka sa kahit anong pwedeng mangyari sayo. Pwedeng sa isang iglap sa tapat ng simbahan may manampal sayo, sa pag hihintay mo sa tapat ng boarding house ng crush mo hindi ka niya lalabasin, na pedeng araw-araw merong bahagharing aakit sa mga mata mo at may tsokolateng magpapatanggal ng kalungkutan mo.

Pwedeng namang magkaparehas ng pinagdaanan pero mag kaiba sa desisyon at kinalabasan.

"Mag kakaiba tayo ng karanasan, pwedeng sa maging desisyon at kakalabasan; kaya wag mo i.apply ang kowts na sa palagay mong pwedeng magkatulad na napag pasahan na ng buong mundo na meron ka sa telepono mo... "

-wiLL

Thursday, April 30, 2009

Nakakaadik. Tsokolate...

araw, gabi
init, lamig
makmatam kang labis
tanging hangad at nais

pag dampi ng aking labi tulad ng isang halik
talaga namang nakakaadik
hinahanap-hanap, nakakapanabik
siguradong walang kasing tamis

nagpapatamis ng buhay ko
salamat, merong tulad mo
nagaalis ng kalungkutan ko
kahit kailan itatabi kita sa puso ko

Kaakit-akit. Bahaghari...


bahaghari...

pag litaw mong pambihira
ng sangkatauha'y masisilayan
ako na tanging puso ang tangan
hindi ka dapat makaligtaan

hangad na parati kang masilayan
hindi ka na babalik sayong pinanggalingan
puso ko ang magsisilbing himlayan
pangako hanggang kamatayan




Monday, April 27, 2009

Isang Malaking Kaepalan

Wala lang ako magawa nung ginawa ko to, nakakapagod naman daw kc gumawa ng wala kaya eto ung nangyari. Bigla ko lang naisip na gumawa ng banner na pang promote sa blog ko, sabi ko sayo isang malaking kaepalan lang 'to e.

Gusto ko din sana gamitin para banner ko sa blog na 'to kaso wag na lang muna, nakakatamad, OO innate sakin yung katamaran ko. Kahit simpleng bagay pag tinamad ako, hindi ko talaga gagawin. Hehe.




"Suntok, mura, sampal o sipa man ang matanggap mo
wag kang susuko. Yun lang naman yun.
Maiwan at masaktan na ang lahat,
wag lang ang puso at utak mo. Masakit yun. Promise!"

-wiLL

Friday, March 27, 2009

Distortion of REPEL to ATTRACTION

I odium you! Duh..

You made me feel annoyed,

Every time our path collides.

I don’t even want to see your face…

I can say, were just on the Law of REPEL.

Tick. Tick. Distortion of candor inflicted me.

Veracity of ATTRACTION punched me.

I want to see you.

Smile. I’m always thinking of you till I’m so into you.

Haii.. Oh Well.

I LOVE YOU.

Sunday, March 22, 2009

Ambivalent Verdict

No one shall break us...

I supposed. I thought.

Thy want me to brawl with all vigour,

on contrary you bestow me a reason and put in the picture

how to let down my arsenal’s.

How come!?

-End-

Thursday, February 5, 2009

Brave New World


Hansel said to Gretel,

"Let us drop these breadcrumbs...
so that together we find our way home.

Because losing our way would be the most cruel thing"







Time comes where life goes off course. In this frantic moment, you must choose your direction.
If you let the chance to choose be blown away by the wind, it will be adverse and losing your way on a journey is unfortunate. But, losing your reason for the journey... is a fate more cruel. In the midst of journey, sometimes we travelled alone, sometimes, there were others who took the wheel. Will you fight to stay on track? Will others tell you who you are? Or will you label yourself? Will you be eerie by your choice? Or will you embrace your new path? Each brave morning you choose to move forward or simply give up.

Time comes where life goes off course. In this frantic moment, you must choose who you are.
There are moments in our lives when we find ourselves at a crossroads. The choices we make in those moments can define the rest of our days. If you lose yourself, you have two choices: find the person you used to be... or lose that person completely. Will you let down your defences, and find solace in someone unexpected? Will you reach out? Will you face your greatest fear bravely? And move forward with faith. Or will you succumb to the darkness in your soul?

Sometimes, you have to step outside of the person you've been. And remember the person you were meant to be.
The person you wanted to be. The person you are.

Once in a while, people push onto something better. Something found just beyond the pain of going it alone. And just beyond the bravery and courage it takes to let someone in. Somewhat over the perseverance of a dream. Because, it's only when you’re tested that you truly discover who you are and it's only when you're tested that you discover who you can be. The person you want to be does exist; somewhere on the other side of hard work, faith and belief.

Monday, February 2, 2009

Taghoy ng isang estudyante (Uno!)

Date: 01, 29, 2008
Time: 8:39am
Setting: S324


Kinakain na naman nya ako (tingin sa paligid) MALI!, hindi lang pala ako...


Sa isang silid sa gusali ng Silang, same set-up, papasok ako ng kaibigan ko nagdadaldal na ang instructor ko, pangalanan na lang natin siya Sir.Dark (literally yan ang kulay nya...), Remote Procedure Call, Distributed System, Client – Server Architecture, WHATEVER!. Hindi pa din siya tumitigil magkwento kahit alam nyang mga labing-isa lang ang nakikinig sakanya sa bilang ng dalawampu’t pitong estudyante nya (late kasi yung iba, dapat singkwenta kami).

Ginagawa ng mga kamag-aral ko? Sa likod ko ngayon nagtetext (tiktiktik.. tunog ng keypad habang kinikilig siya), tawagin na lang natin siya sa pangalang Kitty“kitext”. Nasa tabi ko naman, sa kanan, gumuguhit at naglelettering ng walang kamatayang pangalan niya, Ay! sinama niya din ang pangalan ko at ng iba pa naming kasamahan (pero infairness maganda), tawagin natin siyang Mr.Karir (pag nabasa mo to at napagtanto mong ikaw to, wala lang, gusto ko lang yan ang tawag sayo). Paano naman ang katabi ko sa kaliwa? Wala pa, late lagi yun at sa tuwing darating sa klase ay bitbit ang kanyang violin, tawagin ko siyang Ms.Ideal (oo yan na lang naisip ko kasi wala akong masabi sakanya, maganda,mabait at matalino, uiiii. Wateber!..). May biglang pumasok na kamag-aral habang kumakain ng mansanas at umupo sa likuran, pakiramdam niya siguro picnic lang ang pupuntahan niya (naiinggit ako, nagugutom kasi ako, hindi ko masyadong nagustuhan ang agahan ko. Ayoko na banggitin kung ano yung menu!), AKO? katulad ng mga kamag–aral ko, hindi nakikinig, nagsusulat ng isang akda (na umaasang matapos bago ang klase ng mabasa agad), si Sir.Dark ay binabalahura. Pare-parehas kami nilamon ng “DISTRACTION”.


Tumingin ako sa kabilang gusali, sa Perfecto, nakita ko ang isang klase at napansin kong ganun din ang isang estudyante sa klaseng iyong, wala din ang isip sa kanyang silid-aralan. Gusto ko siyang batuhin ng bote ng mineral water (Nature’s Spring ung tatak...) na baon ko at sabihing “Hoy!, isa ka sa amin, hindi ka din nakikinig, siguro gusto mo na din umuwi?

Nagcheck ako ng phone (umilaw ang backlight at nakita ko ang wallpaper na nakalagat “WiLL” naks!), walang nagtext kahit isa. Hinihintay kong text wala pa, naalala ko hindi nga pala siya maaring makapagtext ngayong oras, Haiiii, kailangan ko huminga ng malalim tapos masasabi ko na lang sa sarili ko na sabik na akong makita Siya. Tuldok!.


Habang pagala-gala ang mata ko at naghahanap ng mapagbubuntunan ng kaboringan, “OASIS” (basang basa ko kahit ang pangit ng sulat) nakavandal sa pader ng silid-aralan namin. Naisip ko bigla ang isang tipikal na Oasis sa disyerto, isang paraiso sa gitna ng nagniningning na buhangin kasabay ang pagmamayabang ng lakas ni haring araw. Sinabi ko sa sarili ko “Makakarating at madarama ko ba ang dalisay na tubig doon?”, biglang may bumulong sakin “Paano ka makakarating sa paraisong ninanais mo kung hindi ka makikinig kar Sir.Dark?”. Sa una sinagot ko siya ng “Ano koneksyon ng paraiso kay Sir.Dark?”.

KASHOOOONG! Bigla akong bumalik sa tunay na mundo, nakabalik ako, ganun pa din nagkkwento pa din si Sir.Dark tapos biglang nasa tabi ko na sa kaliwa si Ms.Ideal. Si Kitty“kitext” hindi na nagttext, tumigil na siya, hindi na siguro nakarehistro sa unlimited texting yung katext nyang kinikilig siya. Nakikipagututang dila na lang siya sa bestfriend forever niya, topic nila? mga crushes pa din (patagong kinikilig sila habang naguusap). Si Mr.Karir naman tapos na yung ginuguhit niya, ginagawa naman ngayon? Kinukuhaan ng litrato. Si Ms.Ideal naman, wala, nakatingin lang kay Sir.Dark habang bitbit ang kanyang violin at pinaalalahanan kong bawal mahuli sa klase sa susunod na pagkikita dahil may maikling pagsusulit (tinandaan ko lang yung importante talagang sinabi ni Sir. Naks!). Yung kumakain ng mansanas sa likod, kapansing-pansin na naubos niya at nag enjoy sya, mga buto kasi’y dala niya. Yung estudyante sa kabilang gusali nakikinig na (buti pa siya...) Kami?, wala, walang pagbabago pare-parehong nilalamon pa din ng kanya-kanyang “DISTRACTION”.

Friday, January 30, 2009

Hinaing ng may sala..



Minsan napaisip ka ba at nasabing, “ako pa ba ‘to?”...

Madaming pangarap, ninanais at mga hangarin...

minsan sa di inaasahang pagkakataon nililipad ito ng hangin,

sabay nito ang pagbasak mo ng matagal na tila sa isang bangin.

Subukan mo kayang tumayo’t iyo itong habulin.

Hindi ka na nagiging mabuting tao,

hinga at tawa mo, tingin nila isa kang dyablo.

Sa paglaki mo, pupukaw sa isipan mo

Hindi na ikaw ang inaasahan mo na dapat maging ikaw.

Wala ka nang silbing katipan

maging sa akademya, trabaho lalo na sa kaibigan.

Lahat ng ng bigat sa dibdib iyo ng nararamdaman,

At kung mamalasin, makakasama mong tao ay yung kaya ka pang iwan

Maiisip mo, paano mo pupunan ang iyong mga kakulangan.

Tapos masasabi mo na lang “ako pa ba ‘to? ”